Nairobi,(insidesomalia.org)- Dowladda Mareykanka ayaa ku baaqaday in Ciidamo ka socda Qaramada Midoobey oo hordhac ah la keeno Dalka Soomaaliya.

Safiirka Dalka Mareykanka u fadhiya Dalka Kenya Mr Michael Ranneberger oo u waramayay wargeyska Daily Nation ee ka soo baxa Dalkaasi  Kenya ayaa waxaa uu sheegay in xiligan ay Qaramada Midoobey ka codsanayaan in Dalka Soomaaliya loo soo diro Ciidamo hordhac ah oo ka socada Qaramada Midoobey si ay wax uga qabtaan xaalada Amman ee Dalka Soomaaliya ee ka sii dareeysa.

Renunberger ayaa waxaa uu sheegay in Dowladda Mareykanka ay wax waliba u sameyneeyso sidii ay Dalka Soomaaliya ugula dagaalami lahaayeen kooxo uu sheegay in ay yihiin argaagixiso doonayana in Dalka Soomaaliya ay ka sameeystaan hooy nabadgalyo waa sida uu hadalka udhegeye.

Waxaa uu intaasi raaciyay Michael Ranneberger in Dalka Soomaaliya ay kula dagaalami doonaan kooxo uu ku sheegay in ay yihiin Argagixiso ka soo tagay Dalalka Afghanistan iyo Pakistan ayuu hdalkiisa sii raaciyey.

Michael Renunberger waxaa uu sheegay in Magaalada Muqdisho ay ka jiraan nabadgalyo dari tii ugu xumeed waxaana uu meesha ka saaray in Ciidamo ay u soo dirayaan Dalka Soomaaliya.

“Ciidmada Qaramada Midoobey imaanshiyahooda waxaa uu yahay mid lama huraan ah waayo Dalka Soomaaliya waxaa uu ku jiraa xaalad xun Ciidamada Qaramada Midoobeyna lama safan doonaan hal dhinac ee waxaa ay yihiin kuwo isku dayaya in ay nabada hantaan”ayuu yir Michael Ranneberger Safiirka Dalka Kenya u fadhiya Dowladda Mareykanka.

Ugu danbeyntii waxaa uu Renunberger ugu baaqay dowlada KMG Soomaaliya in ay ku dhaqanto Xadiga KMG Soomaaliya waxaana uu sidoo kale sheegay in lagama maarmaan ay tahay in jartarka lagu dhaqmo, si loo helo wadiiqo lagu gaari kari dimuquraadiyada si dalka Soomaaliya uu u noqdo mid xasiloon.